茶木‧台式休閒餐廳 (創紀之城五期(apm))

营业中

休息中

已经食过好多次，最近佢好似调整咗餐牌加多咗少少嘢食选择，多咗茶渍饭同埋西式啲嘅选择。// 茶香三文鱼汤渍饭超大条，煎得好靓、脆面肉嫩嘅三文鱼！加埋饭素、樱花虾、脆米同柴鱼片，完全一啖入边嘅口感同味道都十分丰富。茶渍饭嘅神奇之处就系你每一啖食嘅时候，𠮶壶茶好似变咗高汤咁，味道十分浓缩精华嘅感觉，但当你净系尝啖茶，却又发现佢真系茶而且不过真心平时去啲日式餐厅，入面茶渍饭嘅选择通常都系较平𠮶个，呢度却系偏贵嘅选择。抵食而言还好。想特别推介佢杯豆浆，超级绵滑，面头是有泡的，另外旁边仲俾咗一块好松化嘅饼干，点杯豆浆食好// 香煎鲈鱼香菜手作面鲈鱼又系煎得十分出色，皮脆肉嫩。茶木嘅面条都系十分弹牙，之前食佢啲台式拌面都系同一样嘅面底，完全保持水准！另外佢嘅香菜酱汁加啲支豆同菇，喺出边比较较少有，几好味、几唔错同健康嘅选择。唯一食到尾嘅时候会好油，应该落得太多牛油同cream了，建议净系用叉食，撇走啲汁，因为本身面条已经挂到啲香草酱汁，够味。再用匙羹滗啲汁的话会漏啲。