Running 燒 (已結業)

将军澳Popcorn商场坐升降机上一层，原来仲有几间餐厅包括翠苑， Running烧等。行商场唔太显眼有第三层，加上冇电梯一定要坐升降机。朋友介绍running 韩烧都几多食物选择，放题价钱再加 20几蚊有asahi beer 畅饮。边食烧肉边任饮，好爽呀。除咗app手机任点，仲有buffet table主要为蔬菜类别，包括冬菇、翠玉瓜、茄子、粟米。当然食得多肉类，有蔬菜中和一下，之后又可以食更加多烧肉。嚟呢度必食嘅系韩式辛辣面，上枱热辣辣，面质刚刚好仲系烟韧，几饱都要食返一碗。柚子炸鸡encore左五次，juicy又香口。海鲜类有带子鱿鱼，朋友食蚝都可以慢慢烧。满足嘅一餐，差不多一餐食咗lunch 同dinner 份量。