牛気 (將軍澳中心)

营业中

休息中

今天天气冇理由唔打边炉，一直都觉得牛气嘅寿喜烧个汤底怪怪地，总系觉得佢沟得唔算出色，但系勉强又可以叫做合格。今日选择牛小排，牛小排嘅肉质一啲都唔鞋，好淋好食，二百几蚊任食我觉得好抵食。今日见到一只新菜，叫做水莲，佢嘅质地都几得意，感觉上条都系属于纤维，但系佢有冇渣，其实点讲先啱呢，佢唔系一款比较容易吞嘅蔬菜，比较要咬多几下，同埋感觉煮极都唔会淋，算属于爽口嘅蔬菜，几得意。同埋每次嚟呢度打边炉都一定会食一样野，我印象中好似得呢一度地方先有，叫做麻吉西北烧，其实就系汤圆，有两款口味芝麻同花生，不过将个汤圆放喺咸嘅汤底里面煮，煮咗个汤圆外咸里面甜，识嘅感觉好得意，有少少复杂不过几好食。