牛気 (將軍澳中心)

营业中

休息中

12月4號同9號都去咗食，因為太鍾意打邊爐。但係第1次個麻辣湯底好好味，第2次就差咗啦～可能嗰日個廚放假🤔 啲牛就無變，睇你鍾意食咩牛～都好講嗰日啲牛邊樣好食啲同重牛味啲，有無油脂分布其實都無影響佢滑唔滑同鞋唔鞋，所以會每樣叫完試完之後，先決定繼續叫邊種牛。嘢飲種類少，不過有鍾意飲嘅就無問題啦～橫掂我食嘢嗰陣都唔係好飲到嘢😅😜菜嘅種類都ok，本人比較揀飲擇食，所以係ok入面再篩選就唔多，都係嗰句，有鍾意食嘅就可以啦～仲有最緊要有豆腐👍🏼熟食嗰到我最愛meatballs，不過食唔得多呀～食咗兩粒之嘛！我希望我可以食多啲！至於甜品，之前去食嗰陣有試過蜜糖軟雪糕，不過覺得麻麻地，朱古力味都麻麻，今次有牛奶味，真係好好味喎，不過唔知點解好似有啲椰子味，好奇怪，都無話有椰子味🤣 仲有今日竟然有 mini macaron（雖然我見到嗰陣已經係得番幾粒），咁我攞兩粒試吓，竟然比我食到一粒咖啡味🥰

以前經常會黎尼到食，但發現無論食物定服務質素一次比一次差。記得好耐以前配菜區既食物種類較多，而依家只有好普通既菜同兩三款既丸類（仲要唔好食）特別係果個龍蝦流心丸。最好食既蟹柳竟然從我入座果時起既兩三條，到我離座都冇再補充過，反而金針菇就從一盤加多到兩盤。詢問企隔離位既員工仲會唔會出蟹柳，佢只係敷衍兩句廚房會出就繼續企係到無所事事，完全冇諗過入去廚房幫手問問。就記上一次黎食最少門口既經理都算熱情好客，今次就變曬。

呢日陪屋企人去將軍澳中心嘅書店買書，書店隔離就係牛気所以好順路咁入咗嚟食😂我地揀咗lv 1 穀飼牛肩肉放題(成人$168|小童$128)可以任食穀飼牛肩肉 |精選雞腿肉 |特選豚肉湯底就揀咗黑蒜豚骨湯肉類就scan QR code落單，其他火鍋配料|醬汁|熟食|沙律|甜品|飲品就自助區攞穀飼牛肩肉肉質柔軟，唔會切得太薄，特選豚肉肉質較結實，精選雞腿肉肉質嫩滑影漏咗雪糕機😅雪糕機有泰式奶茶雪糕&低糖牛奶雪糕，2款都好好味😋

黃雨加雷暴警告下都要食飯. 訂了牛気的座位, 職員來電確認時講明遲到不留位。果然, 用膳期間, 外面已經多人等位。所以職員都話「做到索氣」港人除了北上消費, 留港搵食亦都有好好的選擇。除了所叫的餐之外, 生日有一個和牛蛋糕是意外驚喜熟食中最喜咖哩牛筋腩, 有漿口嘅口感, 令人回味。草莓雪糕好滑, 不用加任何topping, 已經食完一碗又一碗。唯一美中不足的是自製棉花糖回到座位,卻因為火鍋的蒸氣,已經把它蒸到溶了, 滴到一枱一凳都係人家說北上消費除了便宜之外,就是人家的服務好 。我看將軍澳牛氣的侍應們雖然忙碌, 但很有禮貌, 令人客賓至如歸, 盼望他們生意興隆👍

其實我嚟呢度食嘢已經好多次，食物水準一直都幾好，但今次覺得特別舒服。入嚟嘅時候嗰位接待先生態度好好，因為個時段唔係太多人，可以俾我哋揀近攞食物既位置。特別想講有一位戴眼鏡短頭髮既女工作人員，態度非常好，食物無晒即刻幫我fill，埋單仲詳細解釋會員積分俾我。

食物方面：肥肉，豬肉，海鮮，肉丸都ok👍🏼叫肥牛一定全部order最貴嗰種（我個餐係美國極黑牛），其他試一碟就ok。幾特別既係火鍋店有三文魚刺身任食，都幾新鮮😆鮑魚只有兩隻。甜品同雪糕都唔錯👍🏼服務方面：正常環境方面：張臺夠闊，傾計都ok性價比方面：呢次試$348個餐，食物味道種類都ok，晚餐價錢算係咁如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆

一坐底望到有風扇就知大穫，應該壞冷氣啦。前後都放了風扇，夏天點算🥵？？？行出商場仲涼過舖入面。而且唔知係咪咁嘅原因，食完之後成身臭🤣，連平時冇咩感覺嘅男人都覺得好臭😵‍💫😵‍💫，更何況係女性呢。Tea $262/90mims。中價已有肉眼+牛小排，牛骨髓，魷魚，。座位雙數既坐得逼，位同位之間都密集。希望改善一入座之後，唔好空降幾碟肉類，因為唔係位位客人都啱食🥲🥲🥲咁就變左浪費食物😪質素高過牛摩（價錢都貴左接近一倍）豆腐花即整；雪糕麻麻。嘢飲唔夠凍。Service唔錯，希望快啲整返冷氣，唔夠膽幫襯。

最近忙於工作，好耐冇同嫲嫲見面食飯，所以趁住周末，決定帶佢哋去將軍澳中心食火鍋。我哋揀咗牛氣，因為聽聞呢間嘢食唔錯，而且價錢都唔算貴。我哋叫咗個極上美國牛小排放題，有牛小排、牛肩肉、豚肉、雞肉同埋其他配料。牛小排嘅肉質鮮嫩多汁，油花分佈均勻，食落唔會太乾，非常好味。牛肩肉就比較有口感，而且食落有少少牛肉味，都幾唔錯。豚肉同雞肉都唔錯，食落唔會太肥膩。嫲嫲好鍾意牛氣嘅牛肉，佢話牛肉嘅肉質好靚，食落好有口感。佢仲話黑蒜豬骨湯好正，湯底夠濃郁，又有蒜香味，非常好飲。牛肉質素唔錯，而且價錢都算抵食。黑蒜豬骨湯都幾好飲，而且夠濃郁。

3人食左$348加埋1 盛惠$383每人仲要得90分鐘食 完全唔夠時間食 仲要準時交枱 想食多一陣都比說話你聽 仲要收咁貴 三文魚頭盤唔錯但係之後再叫一份質素已經差好遠 牛肉一般質素 唔值依個價 總恬黎講性價比低 依個價大把選擇 唔洗食佢

原本去將來中心食平平地, 之後15分鐘前有個 經理叫我買單， 尤其是嗰個有金毛嘅經理服務非常差。 叫佢做少少嘢好似好唔耐煩。 同埋我叫咗兩次埋單同埋儲分， 佢淨係聽到收錢 聽唔到儲分，(仲話我點解唔早D同佢講呀 儲分呢件事)。 佢嗰樣仲係好晦氣， 之後叫個女職員過嚟幫我儲分。 自己唔做 有幾難呀撳過機。

兩個人星期三（10月4號）去將軍澳中心間牛氣食晚飯。第一次去。平日人唔多。門口個女職員問食邊款價錢，湯底。之後叫我哋坐一張靠邊有啲窄嘅二人檯。我見餐廳裏面仲有幾張冇人嘅卡位，而且有人嘅卡位好多都係坐兩個人，就問可唔可以坐卡位？位女職員話 ”冇卡位喇，卡位坐4個人，已經被人訂咗。“ 咁我哋唯有坐返張二人檯。食左幾分鐘，見同一位女職員竟然安排兩個人坐卡位。跟住再有兩個人嚟，都係安排坐卡位。最唔開心係，有幾張卡位，由我哋開始食到我哋食完埋單，一直冇人坐。講真，牛氣嘅食物味道，餐廳環境等等我真係唔係好記得。只係記得一個極不愉快嘅晚餐。

之後旺角食過 幾好水準再去食一次等勁耐勁多大陸人勁嘈D野食水準低左勁多但又貴左勁多講緊我每人$348湯底冇味肉冇咩分別地難食三文魚又冇味問題仲要食到一半我已經開始肚痛海鮮品質都食得出勁垃圾最好食最keep 到水準既野係個粒包裝花生芝麻湯丸因為睇完去都同之前食既冇分別我最後排左1個鐘仲未講今時今日你唔食夠$400一位既餐冇得食120分鐘90分鐘咁短但食垃圾我60分鐘 last order 已經咩都冇心情叫送比我都唔會再食係職員叫做幾好服務冇咩野都係留返比小紅書個D客人去

一直去食過牛氣不同分店午市套餐，主要60分鐘性價比高，有定量肉又有任食。今次經過將軍澳見客，順便去將軍澳分店試下，水準一如以往肉品正常，甜品和火鍋料一樣豐富。好欣賞品牌一季會有新的餐單更新，今季佢地特別會玩夏日festival，多左章魚小丸子，非常貼心每人一客，魷魚足料外皮酥脆，有得自己加沙律醬會更加好。另外有更新了傳統關東煮，湯底清甜又唔會過咸，有鳴門卷，海帶，冬菇，蒟蒻，蘿蔔同雞蛋，建議值得長期保留。熟食方面增加咗日式鹵水，今日撞正有鹵豬手，行到累一累可以補充骨膠圓。湯底方面我近來食多左豬骨湯，因為夏天食比較清新又唔會過咸，再配少量新鮮蔬菜perfect。 如果經開將軍澳會再來。

舖頭新開張，到而家幫襯咗好多次。以前每次都係食最平嗰個餐，啲服務態度唔係太OK，大部份都黑口黑面好惡。食物枱有時會亂糟糟。事隔幾年，今日再幫襯我哋叫咗個澳洲牛加海鮮放題。我覺得佢哋服務態度好好，侍應姐姐收碟收得好密，長髮女經理態度親切，成個感覺唔同晒。食物都放得好整齊清潔，甜品水果飲品選擇都好多。成餐飯都食得好舒服。

最近嚟將軍澳牛氣發現質素差咗好多，員工同埋經理好多都係生面口，一間火鍋店開係居民附近但係完全冇親切感，經理態度又唔友善，問問題好似想撩交打咁😅😅食物質素又差咗好多，壽喜燒湯底好咸，要叫員工幫手加水，啲牛肉大多數都係順紋切，好難食。攞豆腐果個蓋一打開有陣臭餿味🤮唯一可以讚既就係食物種類多，但依啲只係基本嘢，其他品牌既火鍋都好過佢。唔知係師傅唔同晒人定點，食物同用餐體驗都好差，同以前唔同晒水準服務。👎