天星雲南米線

营业中

休息中

见到米线关注组有佢份 有人龙都照排一排 不过都只系等咗半个钟 还好吧环境细细 大家坐到劲迫 快快食完米线赶你走嘅感觉 就系香港小店格局风今次试麻辣金沙骨米线拣咗小辣多麻加咗黄金墨鱼饼小锅米线转薯粉配金菇通菜 都系小辣多麻先讲金沙骨 佢系同个米线分开上 不过因为即整 上咗碗米线好耐个金沙骨先会到 唯有食住米线等 喱个米线超好味 口感好好 烟烟韧韧又滑溜而唔系淋又唔系爽口而已 劲正 值得试 个麻辣汤系少少辣 麻味充足 汤底浓厚 好彩加咗墨鱼饼可以有𩠌搭配下 因为金沙骨等到差唔多食哂先嚟 墨鱼饼都食到墨鱼粒 少少弹牙 好唔错 终于等到主角 金沙骨面头洒咗辣椒粉 新鲜炸起 麻辣味道充足入哂味 外面仲系脆口 肉亦都够厚 喱个绝对值得试同等相对金沙骨米线 喱个小锅薯粉的确失色 汤底系充满肉碎 韭菜 芽菜等等配料 汤底过䶢 同金沙骨𠮶碗米线汤底并不同 麻味都足够 但个汤底始终做唔出麻辣汤嘅灵魂 反而似酸辣汤走酸变麻而已的汤底 不过份量都系足够 总体而言 喱间嘢嘅麻辣金沙骨米线绝对值得麻辣控同米线控试下佢 小锅汤底就可免啦