OK辣

营业中

休息中

又到左深宵总是饿嘅时候，同朋友喺凌晨时分突然之间好想食辣野，所以就揸车试试新野，凌晨食麻辣烫。泊低车行左几步就到，简单既舖面，简单既自助写飞落单方式，之后就坐正系店舖相连既枱面。一眼所见，有部份食材唔系揾批发商中央工场既现成货，就好似我地今次有叫既腩肉同猪肠都系一直用卤水烹煮，更有自家制水饺，由此可见，自家风味十足等左大约五分钟，本来无人排队既店面，突然间就有十几个人排队比飞叫野食系依刻我自觉十分幸运，如果迟左黎，可能要等好耐先有得食差不多十分钟，老板就端上两碗麻辣烫，我先试一口汤⋯⋯烫口!!!相当热既汤内里系非常浓厚既味道之余，一D都唔会过咸，而且采用左环保胶碗，唔会好似发泡胶咁，热汤一淋落去就会有一浸臭胶味出现，值得一赞开始享用时，细心再望过汤底无花椒粒，但系汤底已经够晒麻，配料都做得好好，自家制既卤水入晒味唔在讲，猪润熟得刚刚好，唔会过熟起粉，仲有小小爽口，火候恰到好处，可惜嘅系自家制水饺放入麻辣烫，所有肉味都抢走晒，甚至乎有冇肉汁都唔知，而今次红薯粉煮得有小小林身，失去左弹牙口感，相信下次再嚟换老板娘煮，再将水饺分开上，可能会更加好食