麻甩系(花甲粉)

营业中

休息中

荃湾呢间麻甩系餐厅，系一间专卖麻辣小吃嘅店舖，身边有唔少朋友都话正～～金菇肥牛卷(4件）：肥牛金菇卷配上秘制香甜嘅酱汁，真系好惹味。肥牛肉质好滑好嫩，唔会有筋，而且唔会太肥腻。酱汁香甜，令人食得停唔到口。蒜爆LLT五花腩：五花腩切得够薄，炒得几干身，有啲地方仲有啲焦香。五花肉炒完逼出更多嘅油香，同蒜味好夹，食落更加惹味。麻甩鱿鱼须：鱿鱼须炸过外层超香脆，内里弹牙有嚼劲。佢哋用咗一种特制嘅麻甩粉撒喺上面，有啲似鸡粉咁嘅味道，又香又辣又咸。