Atelier Gute by A-1 Bakery

营业中

休息中

都有一排冇帮衬过a-1，今日经过见d麻糬波波几靓仔，粒粒都胀卜卜，所以买咗黎食。$5/1, $21/5 有朱古力,黑芝麻,同芝士味我照旧都系食朱古力同芝士🤣唔知系咁啱今次d麻糬波较新鲜定佢进步咗，拎上手冇以前咁油，外面偏干身而且微脆，入面依然咁软糯。朱古力味系原味麻糬波加朱古力粒，所以唔会有好香浓朱古力味。系面𠮶层嘅朱古力粒焗完之后会变到焦焦地咁，令外层更加脆口，有少少似食紧曲奇饼咁。佢整体甜度系黎自入面半溶嘅朱古力粒，甜味比一般牛奶朱古力低，就算一次过食几粒都唔觉得过甜！芝士味虽然外面望落有d芝士丝，但其实好淡，似原味多d，要咬多一阵先会有微微嘅芝士香，但佢就比朱古力味软身同烟韧，空气感亦较低。