麻辣風雲 (京都廣場) (已結業)

铜锣湾越来越多餐厅，唔系朋友介绍都唔知道楼上呢间食麻辣川菜嘅咁出名，未够七点已经差不多满座，好彩我地喺网上订位，出边天气太热一坐低即刻饮返两杯啤酒解下渴先。鸡煲我拣咗小辣，果然真系唔系好辣，但系好有麻香，而鸡有半只，两个人食啱啱好，而且鸡煮得好嫩滑，每一件都点到酱汁，用嚟送饭真系特别开胃。麻辣炒豆丝辣到适中，食入口好爽脆，用嚟送酒亦都非常适合，每次食川菜我都会点炒豆丝嚟食，因为真系好香口，好似咁简单嘅菜式，但系屋企永远都煮唔到。另外，猪油渣炒菜心，出边已经好少见，果然炒出嚟啲菜真系比普通蒜蓉清炒，真系香好多。猪油捞饭真系太耐冇食过，饭系俗称嘅猪仔米，特别有口感，配埋猪油渣同埋碎葱，一碗饭轻松俾我K.O.，而另外捞面味道好有川菜口味，麻麻辣辣，呢个面冇得拣辣度，不过我绝对接受到，成餐饭都觉得好开胃，份量亦都好足，我比起平时食得更加多，真系越嚟越钟意食辣嘢，下次有机会再试其他食物。