瓏門小廚

营业中

休息中

朋友介绍话呢间喺联和墟好多年既上海野几好食，虽然间中就喺联和墟食饭，但就一次都冇黎食过。咁岩今晚屋企冇饭食，就黎试下。餐厅睇落似普通茶记，冇咩特别，所以先一路都冇黎食，但其实佢menu都有好多菜式。小笼包、口水鸡、上海菜既甜品都有。今晚就叫左个手撕鸡，跟个担担面，跟杯菊花茶。手撕鸡既份量正正常常，睇落好大碟，但其实有层青瓜垫底。不过就正好岩哂钟意食凉拌青瓜既我，虽然系热既，但都简直系加左个小食一样。鸡肉撕得一啖就一旧，够嫩够味。酱汁够香，而且放左花椒，睇落好似辣但系系有麻得黎唔会辣，岩哂唔食辣既人。担担面可能大碗，落就落左麻酱，但味道比较淡，可能汤少d就仲浓缩d。菊花够冻，但都系淡左d，不过解渴都唔错。