麻辣派對 (瑞生酒店) (已結業)

秋风起，最啱食啲辣野驱下寒意。知道尖沙咀呢度食辣野几出名，就预早BOOK枱免去排队嘅时间。呢度嘅麻辣食品五花百门，水煮鱼／酸菜鱼／酸辣锅应有尽有。实有一款啱胃口。因为第一次食，点咗个入门级ＢＢ辣酸菜鱼。配上江团鱼及水晶粉。酸菜汤底：酸／香／麻／辣，恰到好处，唔会因为过辣而抢去酸菜嘅惹味。每片鱼肉都好大一块，加上大量酸菜及／泡椒／辣椒干及蒟蒻，整锅味道丰富，令人食指大动。最份量绝对够食。江团鱼肉幼嫩滑，入味之余再配上些许麻辣提鲜，十分惹味。除咗鱼肉，水晶粉亦都系重点，滑溜溜嘅口感吸满晒酸辣汤汁，配埋一齐食真系无得弹。酸菜鱼之余，小菜水准都有返咁上下。因为见隔离枱点咗鱼香茄子，我地都点返个黎伴水晶粉食。茄子入味得黎唔油腻，麻辣中仲食到一梳梳茄子肉，用黎配饭真系一流。但因为盘酸菜鱼份量真系好多，食完两款菜式已经好饱了。唯有下次再黎挑战香气四溢嘅明炉水煮鱼啦。最后埋单时，侍应姐姐送上两碗清一红豆沙，真系神来之笔，将整晚嘅肥腻感，辣味一扫而空。总结黎讲，味道／份量／价钱都值回票价，ＧＯＯＤ！