影片
更多
2024-10-22
268 浏览
喺电影鹿鼎记入边，韦小宝同九难师太夹住吴应熊行行下，韦爵爷话：咦，师太，前面有间客栈㖞，师太话：系㖞，真系有间客栈㖞，然后镜头一转就见到𠮶间客栈个名叫做有间客栈，韦小宝嘅手下仲特登带埋佢𠮶件沟女战衣，即系有个老虎头帽嘅𠮶件衫。今日我行经呢度，觉得呢间店嘅老板一定志同道合。唔入去向周星驰致敬都唔得啦！ 🍖店铺嘅流程处理非常分明，首先喺门口有个消毒柜，用消过毒嘅筲箕装住食物，就最为安心，然后去食材区，拣自己心水嘅食物，佢嘅选项真系非常多，而且我可以用相对平时食麻辣烫少用嘅词语嚟形容，均衡。佢唔系一味系咁食肉或者系腌制既丸类，而系有大量蔬菜，大量嘅意思系真系有好多选择同份量，起码十种八种走唔甩，而且非常新鲜。另外就系走唔得鸡既肉类，你会见到啲肉嘅颜色系鲜红，仲有腌好嘅本地牛，仲有鱼有蚬有牛肉，真系食指大动，谂起一阵食个汤底实会好鲜味。而丸类方面，又有特色嘅台湾丸，仲有燕饺等等少有个选材，我只系每一样拣一件，都已经整满晒成个筲箕。最后要提一下鸡子，虽然我唔食，但系你睇下张相，真系一个字讲晒，新鲜！ 🍖不得不提嘅个汤底，佢有牛骨汤，加自选嘅辣度，或者蕃茄汤或者蘑菇汤，我就梗系俾佢更加有创意，拣咗
🍖店铺嘅流程处理非常分明，首先喺门口有个消毒柜，用消过毒嘅筲箕装住食物，就最为安心，然后去食材区，拣自己心水嘅食物，佢嘅选项真系非常多，而且我可以用相对平时食麻辣烫少用嘅词语嚟形容，均衡。佢唔系一味系咁食肉或者系腌制既丸类，而系有大量蔬菜，大量嘅意思系真系有好多选择同份量，起码十种八种走唔甩，而且非常新鲜。另外就系走唔得鸡既肉类，你会见到啲肉嘅颜色系鲜红，仲有腌好嘅本地牛，仲有鱼有蚬有牛肉，真系食指大动，谂起一阵食个汤底实会好鲜味。而丸类方面，又有特色嘅台湾丸，仲有燕饺等等少有个选材，我只系每一样拣一件，都已经整满晒成个筲箕。最后要提一下鸡子，虽然我唔食，但系你睇下张相，真系一个字讲晒，新鲜！
🍖不得不提嘅个汤底，佢有牛骨汤，加自选嘅辣度，或者蕃茄汤或者蘑菇汤，我就梗系俾佢更加有创意，拣咗番茄汤底加bb辣。拣好之后等食就okay。
🍖到上台嘅时候你就知道佢个汤底其系真材实料，蕃茄汤嘅味道好天然，原来如果你细心用匙羹喺个底度毕上黎，全部都琢碎咗既番茄粒，再加埋微辣嘅感觉，小小刺激多多新鲜。
唔使讲，头先啲材料未煮都咁有睇头，煮好嘅味道不用多说。
金庸嘅小说可以话系经典，周星驰将佢发扬光大。同样地，麻辣烫都系经典食物，能够用心加入自己本土嘅特色，我都希望呢间小店可以为呢种小食带嚟新嘅景象。
张贴
