香湘辣妹 (已結業)

每个月都会去一次红磡玩具店入货，大出血之后又系揾食既时候！今次晚餐试左经过好多次但从未食过既香湘辣妹。一打开餐厅就见到辣妹老板娘原来有上过国内既问答节目，好有趣，而且每个菜式名都用周杰伦歌曲命名，看来辣妹系周董狂迷。菜式选择好多，都有上网睇过下有咩推荐，由于唔太肚饿，所以叫左两款黎试下。香芋金丝酥 $48一客五件，如果有食过放题既炸紫芋波波，咁就会知系咩味，因为佢正正就系个种味，甜甜的香芋，加埋外层炸得酥脆的金丝，好食！香辣QQ虾 $158呢款粉丝QQ虾真系好有家庭菜既味道，因为用左一个大既不锈钢器皿盛著，底下铺满份量不多的豉油粉丝，面头布满只只数量不少已去壳既虾，虾size较细，面头铺满大量蒜蓉！虾就唔觉有咩鲜甜味，因为都比蒜蓉遮盖晒，最好食反而系铺底粉丝，简单以豉油、蒜蓉拌均黎食已经好够味，味道仲好似妈妈以前蒸扇贝放系面既粉丝！呢个价钱抵唔抵食就见人见智，我就略嫌稍贵！今次黎食无试到主打既麻辣菜式，但其他唔辣既都几好食，只系店员感觉欠缺笑容和活力（可能长时间工作吧），店内有较多飞虫滋扰，希望呢方面可以改善一下。