鬼金棒

营业中

休息中

每次经过鬼金棒嘅时候，都会觉得佢嘅装修好神秘，唔知入面嘅装修系点嘅呢🤭🤭今日lunch time约同事去，餐厅内部果然好有风格，墙上面全部都系魔鬼面具，有啲去咗日本旅行嘅感觉～🔹特制麻辣味噌拉面鬼金棒嘅拉面可以分开拣麻度同埋辣度，今次叫咗小麻小辣，感觉可以再叫辣少少，始终重口味都系佢哋特色～麻辣味噌拉面有好多配料，包括粟米笋、芽菜、温泉蛋、叉烧等，而且特制版会比味玉版本多一旧叉烧添！呢度嘅叉烧果然令人眼前一亮，大旧厚切得黎肥瘦相间～肉质食落非常软腍而且入味，睇得出熬煮咗好长时间，系心机作！拉面汤底非常浓稠而且够香，食得辣嘅朋友可以试吓佢哋嘅中辣同埋中麻，相信会更加惹味！拉面质地弹牙，系我钟意嘅软硬程度，唔会过腍仲带点咬口，整体嚟讲成碗都好出色，配料丰富、汤底又够浓郁！🔹配菜叫咗煎饺，里面系简单嘅菜肉饺，除咗就咁点醋嚟食之外，因为煎饺本身味道唔会太浓，可以试吓放入拉面汤底一齐食用，另有一番风味～