小魚兒 (金馬大廈)

营业中

休息中

尖沙咀金马伦道有间餐厅叫小鱼儿。楼梯直上一楼就系餐厅位置，座位宽敞舒适，适合同朋友聚会。主打麻辣川菜，菜式多样化包括：炭火风味烤鱼，鸡煲，川菜锅物，BBQ烧烤，小食，甜品等等。黄金蒜香海鲈鱼由于朋友唔太食得辣，拣左个唔辣汤底嘅烤鱼，估唔到有惊喜，汤底本底看似清淡但食落好浓郁，爆蒜愈煮愈入味，最后先食仲会食到蒜本身嘅甜味，煮透左嘅蒜头系最好食。鱼嘅尺寸真系好大，肉又厚，但肉质十分滑亦而好结实，唔会一夹于散。鱼味亦都好浓烈，又无细骨方便食用。酸辣土豆丝呢个估唔到系必叫嘅。土豆丝切但够幼所以炒得好均匀，爽口唔会过熟而太淋。小小花椒油嘅麻香，增加食欲。湿度亦都适中。烧茄子同样出色嘅仲有呢个烧茄子，茄子肉就好似一旧海绵咁吸收哂蒜茸辣椒牛油同埋调味料嘅香味，茄子本人嘅水份都保存到，所以造到一个好好嘅融合。同埋有样咁值得一赞就系味道好平均，真系一个好高分嘅烧茄子。