麻辣妹 (已結業)

钟意食辣嘅人一定会钟意食麻辣妹，今日同老公行经女人街，行到咁上下就揾嘢食。我哋见到呢一间麻辣妹，大大个门口招牌吸引左我地入去。地方宽敞阔落，坐落去又唔会觉得迫。叫餐方式都非常之方便，系自己用纸佢圈，之后交俾职员落单，咁一定会减低落错单嘅机会。粉面我钟意佢有得拣热拌同凉拌，价钱一d都唔贵，中意拣几多𩠌都得。我就要左凉拌冷面，微麻辣，𩠌就要左猪腩肉、炸棱鱼球同韭菜饺。而我老公就要左热拌米线，微麻辣，韭菜饺，送就要肥牛、冬菇、同鱼皮饺。凉拌同热拌拣既面系唔同嫁 热拌既选择相对较多，例如可以拣米线、红薯粉、水晶粉同薯仔返，但凉拌只系可以拣粉皮同冷面。不过配上特制嘅捞汁，食落各有各风味。另外叫左2款小食，分别系凉拌黄金皮蛋 $28，同潮州牛筋丸（4粒）配特制辣椒粉。黄金皮蛋平时都好少食，食落比一般既皮蛋更有弹性，加上红油、莞茜同香葱，食落更加滋味好吃。而潮州牛筋丸粒粒都爽口弹牙，咬落去仲见到d牛筋喺入面，牛味十足。配埋特制辣椒粉又香又辣，非常过瘾。