影片
更多
2020-08-21
152 浏览
呢间餐厅堂食新开张好多人帮衬，特别系外卖嘅订单，见到呢店员姐姐不断包不断包外卖 两个人叫咗两个午餐，套餐再加一个小食小食系尖椒皮蛋，唔知点解明明只系装个小食，都要用面盆咁大嘅碟 皮蛋一睇就知同其他地方食嘅唔同，蛋黄唔系银灰色，反而系橙黄色，而且蛋白部分有 花纹，系正宗嘅桂花皮蛋 成碟嘅颜色好吸引酱汁，尖椒同埋芝麻令到整道菜色好香，冻冰冰爽滑惹味 其中一个餐叫咗水煮牛肉，呢一度菜嘅口味都几啱我除咗面头舖得满满嘅辣椒，红油，芝麻之外，底下面浸住汤有煮过嘅油麦菜，滑牛肉片，青瓜同埋芹菜 食水煮牛肉，牛肉嘅滑嫩程度好重要，而且同整个汤嘅味道好夹我哋叫咗小辣唔会太辣，半𩠌饭咁食 另外一个套餐拣咗佢呢度招牌嘅特色：麻辣香锅同样都系小辣，但系呢个锅系干炒，食落味道辣好多同样系用牛肉炒，呢碟嘅牛肉份量比起水煮牛大约少一半，反而多嘅系莲藕片，薯仔片， 木耳仔，芽菜每片莲藕嘅窿窿都塞满辣酱香料，好惹火！ 叫咗一支椰青水，因为会比较解辣其实只系从雪柜拎出嚟，但系店员都忙到分身不暇，所以都要等 另外套餐包咗嘅酸梅汤，饮落生津解喝杯身写住好特别嘅一句：「让我们红尘作伴， 吃得白白胖胖」 最后整餐饭食咗差唔多个半
两个人叫咗两个午餐，套餐再加一个小食
小食系尖椒皮蛋，唔知点解明明只系装个小食，都要用面盆咁大嘅碟
皮蛋一睇就知同其他地方食嘅唔同，蛋黄唔系银灰色，反而系橙黄色，而且蛋白部分有 花纹，系正宗嘅桂花皮蛋
成碟嘅颜色好吸引酱汁，尖椒同埋芝麻令到整道菜色好香，冻冰冰爽滑惹味
其中一个餐叫咗水煮牛肉，呢一度菜嘅口味都几啱我
除咗面头舖得满满嘅辣椒，红油，芝麻之外，底下面浸住汤有煮过嘅油麦菜，滑牛肉片，青瓜同埋芹菜
食水煮牛肉，牛肉嘅滑嫩程度好重要，而且同整个汤嘅味道好夹
我哋叫咗小辣唔会太辣，半𩠌饭咁食
另外一个套餐拣咗佢呢度招牌嘅特色：麻辣香锅
同样都系小辣，但系呢个锅系干炒，食落味道辣好多
同样系用牛肉炒，呢碟嘅牛肉份量比起水煮牛大约少一半，反而多嘅系莲藕片，薯仔片， 木耳仔，芽菜
每片莲藕嘅窿窿都塞满辣酱香料，好惹火！
叫咗一支椰青水，因为会比较解辣
其实只系从雪柜拎出嚟，但系店员都忙到分身不暇，所以都要等
另外套餐包咗嘅酸梅汤，饮落生津解喝
杯身写住好特别嘅一句：「让我们红尘作伴， 吃得白白胖胖」
最后整餐饭食咗差唔多个半钟，以香港饮食文化嚟讲算慢
如果系赶时间嘅，建议就唔好嚟呢度食啦，否则就会要不断催促好忙嘅店员姐姐
而且佢呢度嘅落单模式系自助嘅，自己喺位点完餐，食完亦都系自己出返收银机嘅地方结帐
张贴
