正 麻辣·茶·雲吞 (已結業)

我同朋友都好钟意食辣野，专程黎呢间麻辣•茶•云吞食饭，店内小小，但空感好宽敞！店内既选择好多，我地先点左两款凉拌小食，凉拌云耳同川味口水鸡丝，凉拌云耳每次食川菜都一定点，呢到既凉拌云耳辣味好足够，云耳又爽口！川味口水鸡丝好惹味，有埋青瓜丝口感好丰富，好喜欢既两道小食，必叫之选！之后点左柠辣捞云吞，系出面好少见，好特别，柠檬味辣汁配云吞，好清新同开胃，云吞皮薄馅靓，一人食几粒已经有饱肚感！原来小店都有唔辣既食物，唔太食得辣既朋友都可以有选择，瑶柱猪骨汤底鱼蛋汤面，汤面质感岩岩好，软硬度适中，瑶柱猪骨汤底好浓郁，鱼蛋弹牙有咬口！最后叫左杯热金橘柠檬蜜，食完辣野饮完喉咙好舒服，冬天好岩饮，饮完感觉好润！钟意食辣既人一定要试下！