四季良晨 (新都城中心) (已結業)

奉行台湾文青主义，无时无刻享受时光，系呢度带出嚟嘅讯息。餐厅里面，木系嘅摆设，到处都系书架同书本，书卷味满满，食嘢不忘随手拎一本书阅读。台式食物例如粉面同埋饮品出名好味大家都知道，味道方面嘅多元化例如麻辣或者养生都可以满足到不同需要。地狱三盛牛肉面，$73。钟意食辣嘅我，毫不犹豫选择咗呢一味菜。材料系腱心牛肉，牛肚同埋牛丸。佢嘅麻辣亦都冇令我失望，劲道十足嘅麻辣里面仲会食得出一股红烧牛肉嘅味道，汤底简直令人一食上瘾，配合有咬口嘅面质，唔需要花费太多光阴就成碗落肚。另外叫咗杯芝士奶盖阿华田，浓厚嘅芝士奶盖下面系充满港式风情嘅阿华田，呢个比较似台湾同香港嘅fusion，味道几好唔错，但比较起平时台式嘅芝士奶盖饮品来得饱济。