麻辣串串香 (已結業)

朋友好钟意食酸酸辣辣既野,佢话联和墟有间食麻辣烫&串烧既小店好想去试,今日就陪佢去试烧大扇贝,真系超级大只,有手掌咁大,好厚肉,又爽口鲜甜,上面铺满蒜蓉,更加鲜味,我超级钟意食.秋刀露笋卷,好创新,烧秋刀鱼好有油香,加上爽脆既烧露笋,口感好丰富,好好食.烧通菜,烧完依然好翠绿,口感都爽,唔会韧,上面有孜然粉,好野味,看似好普通,原来咁香.烧原条茄子,系好巨型茄子,成条茄子都铺满蒜容,茄子又好多汁,吸收晒蒜容味,好香茄子肉可一丝丝咁食,真系好野味.酸辣粉配红薯粉,有好多辣度任君选择,我叫左少辣,酸辣度好岩我酸酸辣辣咁,红薯粉完全吸收晒酸辣汁,又弹牙,好好味.麻辣烫~有鱼蛋,猪皮,鱼皮饺,牛腩,萝卜,猪红,墨鱼丸,咁丰富都系$38,超级抵,汁做到麻辣既感觉,成个口都好麻脾,食得好过瘾.鱼蛋弹牙, 猪红好滑, 猪皮同萝卜超级入味,鱼皮饺,牛腩都好好味,另外再加左金菇,水鱿鱼,牛柏叶,真系大满足,好岩一边饮啤酒,一边叹.