十二味麻辣小當家 (已結業)

今次放工之后同班同事去左铜锣湾揾食，本人系超超超中意食辣，所以拣左间食川辣既店铺，叫做十二味麻辣小当家。之前都有听过十二味贵阳牛肉粉，但一都直都冇试到，最后反而黎到佢隔离既分店。叫野食前侍应端上一杯杯既玄米茶，饮落去口中散发住淡淡既米味，好香，忍吾住叫佢添左几次嘻嘻因为同事吾系好食得辣既关系，所以我地叫左个经典香辣锅底小辣既麻辣香锅，佢张菜单有好多选择，同平时去打边炉既叫法差吾多，想食咩就TICK咩，个分别打边炉要自己渌，而呢个就整好哂一次个一个大碗上哂，今次我地拣左猪大肠、寛粉、豆卜、墨丸、牛肉、鱿鱼同埋金钱肚。侍应上菜既时候已经闻到阵阵既麻香味，好正！见到佢用左好多吾同既香料、干辣椒等等，食左阵条俐已经痺痺地。所有𩠌都好入味，牛肉好滑，啲豆卜吸哂成个香锅既精华，鱿鱼系店主推介之一，食落都好爽口，而且个卥水猪大肠都好焾。个人觉得寛粉系必叫，好弹牙，味道又够。不过因为个锅既味道好浓郁，食哂成锅会有少少咸。另外仲叫左个小食凉拌皮蛋，皮蛋上淋左啲酱汁，下次会再返黎试下佢个麻辣烫，好似睇落几好食。