正 麻辣·茶·雲吞 (已結業)

今日突然好想食麻辣食物，系长沙湾附近见到呢间正麻辣茶云吞即刻行入去试下。呢度环境宽敞舒适，坐位不会太窄，可以同一时间试几款食物都吾洗惊吾够放。我同友人都特别喜欢食麻辣，但系香港食麻辣食物特别贵同唔够麻香，只有咸辣味。但呢间正麻辣茶云吞嘅麻辣捞云吞好够麻香味，同时云吞皮薄多馅料，十分惹味。除咗椰菜、香葱同莞茜之外，麻辣捞云吞仲有用虾米调味。另外，秘制麻辣捞面都有好多配料，完全唔会太干，适合喜欢食麻辣的人。就算冇食麻辣嘅嗜好都可以嚟呢间餐厅试下个芝士云吞。所有𩠌菜都热辣辣咁送上，个芝士云吞一咬开就有流心的芝士，十分浓味。芝士云吞个皮炸到好脆，外脆内香，值得一试。不得不提嘅系呢间舖头嘅辣菜甫整得好入味，好少辣菜甫会加入豆豉腌制，又辣又香。