影片
更多
2023-06-27
23 浏览
比佢Openrice上嘅抵食套餐吸引左，$400几蚊有晒汤底菜同肉，但去到反而被个麻辣汤底影响，拣左散叫。前菜系凉拌贡菜，酸辣爽口，几开胃，追住食。汤底加$20就可以双拼，汤底无欺场，麻辣汤上有一大旧牛油，蕃茄汤都有好多旧蕃茄同薯仔。两个汤底都够味，沟左嘅豉油汁都好少用。牛肉做紧半价优惠，黑柏叶折左$49，分分钟平过平时出街食漂白过个种。黑柏叶切得大大件，煮完缩细左都仲keep到个口感，推荐放落麻辣到，好挂汤。牛颈脊 本身睇样谂住麻麻，油脂分布唔算好靓，点知食落有惊喜。肉片唔会切太薄，呢种厚少少嘅肉食落更加有口感，肉嫩又有牛味。韭菜饺本身想叫啲特色饺，例如鲍鱼饺，但当日无货。韭菜饺个馅嘅菜肉比例唔错，可惜饺子收口位包得太厚，咬落去略硬同厚。白鳝拼脆鲩片每样有4块，白鳝弹牙无骨，可惜当日个脆鲩片好重泥味，用麻辣汤都盖佢唔住。建议净叫白鳝，白鳝好食。花雕醉鸡啖啖肉，但由于我地太钟意麻辣汤，用佢黎煮已经试唔出酒味。山药+生菜当日店员服务都好好，有礼貌又积极加汤加茶。见我哋疑惑咁望住鱼缸条不知名鱼时，又会同我哋讲下笑，介绍下。可能好多人对餐厅个卖点focus左落旅游主题，但个人觉得食物质素都有
前菜系凉拌贡菜，酸辣爽口，几开胃，追住食。
汤底加$20就可以双拼，汤底无欺场，麻辣汤上有一大旧牛油，蕃茄汤都有好多旧蕃茄同薯仔。两个汤底都够味，沟左嘅豉油汁都好少用。
牛肉做紧半价优惠，黑柏叶折左$49，分分钟平过平时出街食漂白过个种。黑柏叶切得大大件，煮完缩细左都仲keep到个口感，推荐放落麻辣到，好挂汤。
牛颈脊
本身睇样谂住麻麻，油脂分布唔算好靓，点知食落有惊喜。肉片唔会切太薄，呢种厚少少嘅肉食落更加有口感，肉嫩又有牛味。
韭菜饺
本身想叫啲特色饺，例如鲍鱼饺，但当日无货。韭菜饺个馅嘅菜肉比例唔错，可惜饺子收口位包得太厚，咬落去略硬同厚。
白鳝拼脆鲩片
每样有4块，白鳝弹牙无骨，可惜当日个脆鲩片好重泥味，用麻辣汤都盖佢唔住。建议净叫白鳝，白鳝好食。
花雕醉鸡啖啖肉，但由于我地太钟意麻辣汤，用佢黎煮已经试唔出酒味。
山药+生菜
当日店员服务都好好，有礼貌又积极加汤加茶。见我哋疑惑咁望住鱼缸条不知名鱼时，又会同我哋讲下笑，介绍下。可能好多人对餐厅个卖点focus左落旅游主题，但个人觉得食物质素都有水准，绝对值得比次机会试下。
张贴
