影片
更多
2022-10-14
416 浏览
平时较少帮衬呢间餐厅，觉得食物多肉、偏油腻，啱中学生和中年男人多啲。不过今日就偏偏想食肉！睇menu见到“麻辣汤底”四个字，好耐冇食麻辣了，立即勾起当年去成都5日食咗5餐火锅嘅任性日子。一于叫香煎鸡扒汤米线加麻辣汤底。为咗应战麻辣，将必点嘅热奶茶转为冻奶茶，可以降火。麻辣汤米线卖相好吸引，汤底火红火辣，鸡扒切得整齐，仲有有豆腐卜、酸菜等，好期待。第一啖当然系饮汤……等等，咪就系超市都买到嘅麻辣火锅味道？立即扁嘴，但念深一层，呢间乜都有得食嘅茶餐厅，又点会花几个钟时间去熬麻辣汤底？食落，麻辣汤米线味道其实都OK，有辣味，仲有淡淡甜味，不过就少咗啲麻味。鸡扒肉质和味道还可以，但好似煮熟放咗好耐嘅感觉。今次食麻辣有两个唔小心：**唔记得留番豆腐卜最后先食，豆腐卜吸收麻辣味道先绝。**错点咗冻奶茶，食麻辣应该饮可乐先爽。
睇menu见到“麻辣汤底”四个字，好耐冇食麻辣了，立即勾起当年去成都5日食咗5餐火锅嘅任性日子。一于叫香煎鸡扒汤米线加麻辣汤底。为咗应战麻辣，将必点嘅热奶茶转为冻奶茶，可以降火。
麻辣汤米线卖相好吸引，汤底火红火辣，鸡扒切得整齐，仲有有豆腐卜、酸菜等，好期待。
第一啖当然系饮汤……等等，咪就系超市都买到嘅麻辣火锅味道？立即扁嘴，但念深一层，呢间乜都有得食嘅茶餐厅，又点会花几个钟时间去熬麻辣汤底？食落，麻辣汤米线味道其实都OK，有辣味，仲有淡淡甜味，不过就少咗啲麻味。鸡扒肉质和味道还可以，但好似煮熟放咗好耐嘅感觉。
今次食麻辣有两个唔小心：
**唔记得留番豆腐卜最后先食，豆腐卜吸收麻辣味道先绝。
**错点咗冻奶茶，食麻辣应该饮可乐先爽。
张贴
