麻辣派對 (已結業)

之前朋友一直介绍我去一间麻辣餐厅，话我一定会喜爱上，朋友知我俩口子都大爱四川麻辣食物，所以就决定去试试看吧！餐厅地点位于渣甸中心，方便又易揾。店内装潢设计时尙，完全唔似四川菜馆，好一间新派餐馆。餐牌款式选择多，而且每款都好似好吸引呢！招牌口水鸡麻辣酱汁香浓麻辣，加上芝麻粒多咗份芝麻香味更加滋味，鸡肉咸香又够麻味。夫妻肺片牛肚爽脆，牛腱肉味浓，仲有鲜嫰嘅牛脷，混合了麻辣浓汁，非常滋味。山城回锅肉猪腩肉炸到脆卜卜，加上椰菜辣椒大火炒过，香气十足，跟平时食开嘅上海回锅肉完全唔同，整体上比较干身但味道鲜美好多，大爱喔！手撕鸡冷面麻辣手撕鸡加上青瓜丝铺上冰冻冷面上面，面头再淋上麻酱，浓浓嘅芝麻香味，令人胃口大开，食唔停口。第一次黎已经爱上这间麻辣餐厅..相信我俩好快又会再黎encore 多次。