麻辣妹 (已結業)

好辣嘅人仔一定要试下麻辣妹。呢度小食种类十分多，而且价钱适中，又有唔同辣度任君选择。🌶🌶🤤🤤-大推蒜泥白肉够多蒜蓉舖满哂每片肉，蒜味超级浓郁，而肉系半肥瘦，入口即融，加上小小辣味配合，十分好食！-另外黄金皮蛋都好深刻蛋白系透明好少见，唔系平时食开个个皮蛋品种，依个皮蛋入口弹牙，个蛋黄都做到糖心嘅效果，真系第一次食溏心效果既皮蛋！！（鸡蛋就食得多）而糖心皮多加上红油十分惹味！-口水鸡都系精选之一😍😍鸡肉嫩滑，味道都唔错。-呢度仲有好多自选嘅米线，有重庆小锅，麻辣烫等等。不过我哋就想试留肚多啲特食小吃，所以就点咗个凉拌手工凉皮。凉皮够薄，个酱汁都配合得好好，有点似麻酱，再加上少少辣。而且入面仲有青瓜丝，食落更有口感，有清新嘅感觉。食完咁多辣嘢食返个凉拌可以中和返啲浓味，而且大大碗够晒饱肚。-总结今晚好过瘾，食得好滋味