影片
更多
2020-07-23
2598 浏览
都不知几时嘅习惯，而家劲钟意食辣野。小食、午餐和晚餐都好，都喜欢食下少少辣野，开胃得来又刺激，尤其钟意食到大汗淋漓嘅感觉。相信呢个绝对系喜欢食辣嘅人先至明白。久不久都会有朋友搞下辣局，自己又会揾唔同嘅辣野餐厅去试。今晚就介绍呢间麻辣烫，之前真系完全唔识呢间餐厅，朋友介绍嘅时候，佢话原来呢度曾经系有米芝莲嘅推介，令我更加期待。星期五嘅晚上，来到基本上高朋满座，全部都系外国人，同隔离大馆嘅酒吧差唔多。当然你会立刻谂主力以外国人做target 嘅辣野够唔够正宗？会系乜嘢玩法。大家睇下今晚食啲乜。前菜花生几好食，虽然唔辣。呢度嘅红油抄手，出奇地劲辣。同好多中式地方提供嘅抄手唔同，这里比较小巧玲珑，又得意，肉不太多，你只感受到抄手入边全部都系肉碎和辣椒香嘅诱惑，食完又唔会太过觉得肥腻同好饱，辣度就真系几劲，好深刻，亦都证明咗呢度嘅辣唔系省油灯。别不同烫鸡片，不错，虽然鸡肉唔算滑，但系加埋炸菠菜，好食好好送酒。麻婆豆腐可能系食辣野中最普通嘅食物，呢个阿婆麻婆豆腐，又系送饭一流，佢唔系死辣嘅一种，有一种浓烈嘅酱汁风味，也不错，不过相对呢度嘅风格都系比较细碟，大食的可能会唔够喉。今晚嘅主角应该系呢个霸
小食、午餐和晚餐都好，都喜欢食下少少辣野，开胃得来又刺激，尤其钟意食到大汗淋漓嘅感觉。
相信呢个绝对系喜欢食辣嘅人先至明白。
久不久都会有朋友搞下辣局，自己又会揾唔同嘅辣野餐厅去试。
今晚就介绍呢间麻辣烫，之前真系完全唔识呢间餐厅，朋友介绍嘅时候，佢话原来呢度曾经系有米芝莲嘅推介，令我更加期待。
星期五嘅晚上，来到基本上高朋满座，全部都系外国人，同隔离大馆嘅酒吧差唔多。
当然你会立刻谂主力以外国人做target 嘅辣野够唔够正宗？会系乜嘢玩法。大家睇下今晚食啲乜。
前菜花生几好食，虽然唔辣。
呢度嘅红油抄手，出奇地劲辣。同好多中式地方提供嘅抄手唔同，这里比较小巧玲珑，又得意，肉不太多，你只感受到抄手入边全部都系肉碎和辣椒香嘅诱惑，食完又唔会太过觉得肥腻同好饱，辣度就真系几劲，好深刻，亦都证明咗呢度嘅辣唔系省油灯。
别不同烫鸡片，不错，虽然鸡肉唔算滑，但系加埋炸菠菜，好食好好送酒。
麻婆豆腐可能系食辣野中最普通嘅食物，呢个阿婆麻婆豆腐，又系送饭一流，佢唔系死辣嘅一种，有一种浓烈嘅酱汁风味，也不错，不过相对呢度嘅风格都系比较细碟，大食的可能会唔够喉。
今晚嘅主角应该系呢个霸王辣椒软壳蟹，卖相来说，怕辣嘅话应该会好惊，见到全部都系辣椒花椒等等，就估应该会好辣，老实说，个味道出奇地温和，软壳蟹啖啖都非常之好吃，而且炸得干爽，完全零油份。
主菜则选上黑松露鸡丝辣炒饭，基本上呢个同辣完全扯不上任何关系，对我来说，零辣度，不过相对来讲，炒饭唔太油腻，也算干爽，只不过我觉得较淋身，唔算系我最理想嘅炒饭味道。
尾声嘅甜品选了拔丝草莓，呢个相对少见，个样绝对好似艺术品一样，虽然我一直唔特别爱甜品，但呢个都整得几好食。
最后一提呢度嘅Cocktail全部都好出色，你同呢度嘅职员佢地都会特别去调教一啲适合你口味嘅cocktail俾你，今晚试左几杯，今晚最喜欢嘅就系呢杯威士忌加花椒同rosemary，味道好精彩，辣度香喷喷，同时体验到威士忌嘅香浓，爱杯中物嘅记得不能错过。
当然如果你唔饮酒，都有好多解辣饮品。
得闲就再辣聚，大家有兴趣试下吗？
麻辣烫
中环苏豪奥卑利街7号地舖
张贴
