影片
更多
2021-08-20
163 浏览
建议：舖头系朗豪坊11楼，天吉屋隔离就甘听个名以为系食日本野，之后上网睇下有咩好介绍时，发现新奇黄色奶盖、芝士手抓饼 同埋 招牌牛三宝都好似好吸引 🤤🍜周末下午3点左右去到，等左一阵就有店员出黎安排座位，算坐得几舒服😌今次试左：▫️招牌麻辣牛三宝 (HK$88)▪️卤肉饭 (大 HK$48)两样主食既份量都正常，食完都够饱 😋而招牌麻辣牛三宝既辣度分左小/中/大辣 可以拣 🌶️ 拣左中辣同牛三宝都几夹，辣度无想像中甘强烈。餐牌有讲到汤底系用美国牛肉 同牛骨，用上72小时烹煮。而牛三宝就包括：牛颈脊、牛颊肉 同牛腱心 🐄 食落唔会太嚡。▫️芝士肉松鸡蛋手工手抓饼 (2件 HK$45)价钱黎讲都算贵，不过因为真系好想试，所以直接落左单 🤪 整体味道唔错，肉松既份量好多。头个几啖唔系好食到芝士同鸡蛋，食到后尾芝士味先出番黎🧀如果份量多番啲/价钱平啲，下次会Encore。不过唔系太钟意食芝士既朋友仔，可能会觉得太油腻。▪️脆脆布丁欧蕾奶茶 (HK$35)打算试新奇黄色奶盖，所以突登叫多杯茶饮。就咁睇名，其实真系分唔到边啲系有奶盖🤣 店员话得3️⃣款茶饮有奶盖：金香芋米、脆脆布丁欧蕾奶茶、抹茶欧蕾熔岩。如果
就甘听个名以为系食日本野，之后上网睇下有咩好介绍时，发现新奇黄色奶盖、芝士手抓饼 同埋 招牌牛三宝都好似好吸引 🤤🍜
周末下午3点左右去到，等左一阵就有店员出黎安排座位，算坐得几舒服😌
今次试左：
▫️招牌麻辣牛三宝 (HK$88)
▪️卤肉饭 (大 HK$48)
两样主食既份量都正常，食完都够饱 😋而招牌麻辣牛三宝既辣度分左小/中/大辣 可以拣 🌶️ 拣左中辣同牛三宝都几夹，辣度无想像中甘强烈。
餐牌有讲到汤底系用美国牛肉 同牛骨，用上72小时烹煮。而牛三宝就包括：牛颈脊、牛颊肉 同牛腱心 🐄 食落唔会太嚡。
▫️芝士肉松鸡蛋手工手抓饼 (2件 HK$45)
价钱黎讲都算贵，不过因为真系好想试，所以直接落左单 🤪 整体味道唔错，肉松既份量好多。头个几啖唔系好食到芝士同鸡蛋，食到后尾芝士味先出番黎🧀
如果份量多番啲/价钱平啲，下次会Encore。不过唔系太钟意食芝士既朋友仔，可能会觉得太油腻。
▪️脆脆布丁欧蕾奶茶 (HK$35)
打算试新奇黄色奶盖，所以突登叫多杯茶饮。就咁睇名，其实真系分唔到边啲系有奶盖🤣
店员话得3️⃣款茶饮有奶盖：金香芋米、脆脆布丁欧蕾奶茶、抹茶欧蕾熔岩。如果其他茶饮想加奶盖，就另加HK$5。
金香芋米咁岩卖哂，所以最后拣左脆脆布丁。店员话通常奶盖有3️⃣种口味，不过主要系睇当日厨房整左啲咩🤣 当日黄色既奶盖系蛋糕味。
奶盖上面仲用左火枪烧过，饮落口感似焦糖布丁，所以应该系脆脆布丁既意思。饮落口感脆脆地几得意，不过如果就咁饮奶盖，无左焦糖面可能就会一般。
奶茶底比较淡，如果想要啲咬口，可以考虑加配料 (HK$5@) 珍珠/仙草/黑糯米/椰果。
张贴
