金玉滿堂

营业中

休息中

今日約左舊同事食飯，同事介紹旺角金玉滿堂食大排檔，真係好岩聚餐食飯。花膠麻辣雞煲（細 ）$288一嚟就先揀左個雞煲，岩哂配酒配飲品，細煲的雞份量都好多，2至3個人都無問題，小辣醬汁唔會好辣但亦保持到雞煲的惹味，雞件吸哂味之餘又唔老好嫩滑，花膠大大件啖啖肉，仲可以加湯打邊爐，加左生菜同即食面，兩樣野吸哂湯汁精華，好正。椒鹽鮮魷 $128外皮做得好薄，所以炸的時間唔需要太長，魷魚唔會過熟，真正做到外脆內軟，配上醋汁食多幾舊都唔油膩，又係好岩送酒的餸。餐廳就係旺角，位置好方便唔同朋友都可以約埋一齊。服務仲好好，服務員好留意每張枱，要加單或者拎野都即時回應，但同時又唔洗趕住走，真係好岩朋友聚會。