茶木‧台式休閒餐廳 (已結業)

樱花虾花枝饼$52入口弹牙，不过无花枝嘅味道，而且太油腻，我地都忍唔住要过一过水先放入口。金盏花螺片浓鸡汤+椒麻拌面+麻辣鸭血拼素鸭$78建议先饮咗个汤再食面，因为个面真系好麻！好麻！好麻！会影响到味蕾。但系面质系弹牙嘅，口感不错。酥炸鸡排面$72性价比不高，鸡排炸得酥脆嘅，可惜又系太油腻；个面就成饼野咁，要自己整返松散先食到。黑糖芒果芋圆仙草豆花$44甜品系呢餐入面觉得最满意嘅。用料足，唔会过甜，正好可以为楼上油腻嘅食物带返d清新感返嚟。如果下次再帮衬茶木，应该会只系食甜品。