煮意

营业中

休息中

苏杭街有一间低调嘅意粉小店，店内嘅格局系只得10个位，全部系高凳加面壁位。厨房占咗一半舖位，可以见到老板喺度炒意粉，同埋老板娘喺水吧整饮品。听讲老板以前喺酒店做过，佢啲意粉系做到Al Dente质感嘅。当然以$50~60一碟嘅价钱，你唔会奢望有豪华嘅配料。佢亦都鼓励客人外卖，会有$5 折扣。香草鸡肉扁意粉：用咗好靓嘅花花碟上。鸡肉调味较淡，味道清新，意粉有咬口。鲭鱼意粉：相当健康嘅配搭，鲭鱼焗到热辣辣，冇乜腥味。有少许豉油捞埋意粉一齐食。沙律菜亦都新鲜爽脆。饮品系冻奶茶，以西餐嚟讲茶味唔错。