麻辣娘子 (形薈) (已結業)

筲箕湾因为呢个商场，开咗好多新餐厅，今日去咗呢个餐厅试吓午餐，价钱算唔错。叫咗个回锅肉，回锅肉入口麻辣香都有，上枱卖相吸引，旁边嘅配菜，青葱，唐芹，辣椒，特别系椰菜都超级入味，镬气好够。跟住嘅麻婆，基本功做得好，豆腐柔软，又嫩又滑，肉碎辣椒特别香口，花椒味非常特出，入口唔会系死辣，汗喺头顶慢慢渗出，辣味温和，但又未至于成个口都会麻痹，食唔到鲜味，所以唔错。午餐Menu加十零蚊要左个拍青瓜，觉得唔错，蒜味非常之辛辣。跟餐加$8至$12可以点佢哋嘅台式饮品，个乌龙茶同埋黑糖珍珠奶茶，以$12来讲黑糖风味都算唔错，有茶香及奶味。可惜此店lunch都要加一服务费。两个人埋单$158都唔错，下次有机会可以试吓佢嘅酸菜鱼呀或者辣鸡煲。