影片
更多
2013-04-04
13 浏览
买左团购一段日子, 谂住即日中午打去BOOK睇下有冇得食, 点知又俾我BOOK到㖞, 就孖住朋友一齐去~侍应安排左我哋坐露天嘅坐位, 天气唔冻唔热, 觉得几舒服, 而且坐喺行人路旁, 比坐喺入面好, 因为唔使个侍人隔住其他客人老远咁递D嘢食嚟~~~一开始先嚟个刺身, 唔系太鲜味, 得甜虾比较好, 三文鱼及其他鱼类嘅鱼生都麻麻地, 不过我哋落嘅ORDER都叫上齐, 冇比少我哋啦~然后叫左泰式凤爪同虾多士, 凤爪冇骨, 又够入味, 酸得嚟有少少辣, 好开胃, 虾多士炸得太劲, 变得好硬, 亦食唔到有虾味..椒盐鱿鱼须份量好够, 炸得几脆口, 用嘅都系鱿鱼须嘅尾部, 所以唔觉得韧, 佢落左D辣粉, 所以唔食得辣嘅朋友可能唔系好受到, 不过我就食唔停口~多春鱼同蚝好普通, 不值一提.....食左好多肉类同刺身, 于是叫左个马拉盏通菜, 虽然D菜系老左少少, 但马拉盏好香好野味, 所以又再叫多左一碟~~~怕唔够饱, 叫下寿司嚟食, 牛油果软壳蟹尚算OK, 只系牛油果好细粒....但个招牌泷天月亮寿司就...唔知系咩做, 好轻微嘅酸味(但唔系变坏𠮶种), 食唔出系咩料, 个面就有木鱼碎, 总之就觉
侍应安排左我哋坐露天嘅坐位, 天气唔冻唔热, 觉得几舒服, 而且坐喺行人路旁, 比坐喺入面好, 因为唔使个侍人隔住其他客人老远咁递D嘢食嚟~~~
一开始先嚟个刺身, 唔系太鲜味, 得甜虾比较好, 三文鱼及其他鱼类嘅鱼生都麻麻地, 不过我哋落嘅ORDER都叫上齐, 冇比少我哋啦~
然后叫左泰式凤爪同虾多士, 凤爪冇骨, 又够入味, 酸得嚟有少少辣, 好开胃, 虾多士炸得太劲, 变得好硬, 亦食唔到有虾味..
椒盐鱿鱼须份量好够, 炸得几脆口, 用嘅都系鱿鱼须嘅尾部, 所以唔觉得韧, 佢落左D辣粉, 所以唔食得辣嘅朋友可能唔系好受到, 不过我就食唔停口~
多春鱼同蚝好普通, 不值一提.....
食左好多肉类同刺身, 于是叫左个马拉盏通菜, 虽然D菜系老左少少, 但马拉盏好香好野味, 所以又再叫多左一碟~~~
怕唔够饱, 叫下寿司嚟食, 牛油果软壳蟹尚算OK, 只系牛油果好细粒....但个招牌泷天月亮寿司就...唔知系咩做, 好轻微嘅酸味(但唔系变坏𠮶种), 食唔出系咩料, 个面就有木鱼碎, 总之就觉得唔夹唔好食!!
最后叫左个鱼生沙津, 预左碎湿湿嘅鱼生粒, 再加粟米, 蕃茄, 因为唔够沙津汁, 所以同食净菜同鱼生冇分别......
甜品食左芒果奶冻同木糠布甸, 前者好香奶味, 后者嘅木糠唔系用玛利饼, 所以味道麻麻....
题外话/补充资料：
其实月泷天嘅食物款式真系算几多, 有中式, 日式, 泰式, 只系我哋冇拣到食中式嘅嘢, 日式同泰式比, 后者做得好味D, 当然亦有可能因为泰式比较多调味啦....
当日去食嘅时候有好多国内嘅朋友, 几乎坐隔离围住嘅都系.....但可能坐露天, 所以唔觉得好嘈
侍应生都算几够, 见到枱面有吉碟都会主动帮你收同埋帮手落单, 食物十分钟左右就可以嚟到, 亦唔觉得佢漏单, 所以食2.5小时其实真系可以食到好饱~~
原本谂住团购用$118就可以食到, 可能系自己睇漏左, 佢连加一同附加费(6:30 - 9:00场次要加), 夹埋每人要俾多$60, 一人一共俾左$178, 同佢原价只系差$10....咁不如唔好做团购啦.......
(以上食记乃用户个人意见 , 并不代表OpenRice之观点。)
张贴
