花園餐廳 (已搬遷) 新店位置

今日同朋友去左观塘花园餐厅食lunch，我地叫左一A一B，我拣左美国烟肉鸡扒配茨菜丶罗宋汤丶冻啡。餐包都叫做软，牛油唔会硬实实，罗宋汤都几多菜，味道唔会好稀，一般港式西餐feel。美国烟肉鸡扒原来是配了港式西汁，所谓港式西汁就系蕃茄汁加上其他调味料加水加少少芡煮出来的sauce。烟肉有煎过，鸡扒好大块，有手掌咁大，唔算煎到好干，不过系唔热，同埋加埋个西汁食落好咸=.=伴碟的炸薯条丶粟米粒同埋小棠菜几好食。冻啡真系好淡又少奶=.=整个lunch可以话系好有旧港式西餐feel，唔可以话啲食物水准差，只能话未必切合这个年代。侍应方面大至上都ok，只系零零舍舍负责我坐果区的侍应小姐好似唔想做咁，板起块面仲下下比错食物=.=!