Moments Lifestyle Café (已結業)

星期日去铜锣湾，周围都好多人，又要等位，呢间嘢难得唔使排，指吓个鼻walk in就有位坐低。$268 tea set for 2，对比好多酒店tea都平，坐位算舒服，唔使人逼逼。食物方面，叫茶嘅朋友，有一大壶，饮极仲有，咖啡一杯份量相对削啲，但味道亦合乎水准。三层架食物，下面两层咸点，顶层甜点，一碟scones牛角酥就用另一碟奉上，讲真味道都系好麻麻。蟹肉沙律三文治冇特别，三文鱼加块饼唔觉鲜美，粒粒带子加块生菜，带子冇味菜有啲苦，巴马火腿木瓜火腿感觉太干身，怀疑切咗好一阵。马卡龙不嬲唔多喜，可能唔钟意食太甜，弊在朱古力cake一样甜得太过漏，好似夹层食梗拖肥咁，士多啤梨朱古力ok，scones最好味，本来牛角酥都唔错，好似刚出炉咁松化，败笔在里面啲唔知咩酱，又系甜得太漏，唔好怪我失礼，最终吱晒出来弃于碟边，斋包反而好吃咗。唔好有太高期望就唔会失望，呢度其实好啱倾偈饮吓嘢hea吓，只要记住下午茶5:30一定要交枱就得喇。