常會面長今雞煲

营业中

休息中

平时好少去到筲箕湾，适逢今日去探新居入伙嘅朋友，佢仲介绍大家食呢间麻辣鸡煲。六个朋友都系食得辣之人，原本谂住系一个非常之好嘅选择，但食完之后大家都系觉得好一般，特别系位置好吊脚同隐蔽，仲有佢厕所系冇厕纸供应，谂起啲员工唔知有冇洗手同用纸巾抹手，我下次都唔系好敢去，问咗伙计点解冇厕纸，佢话惊人整塞佢个厕所。呢个答案真系不知所谓！有朋友迟到，我哋叫住几款凉菜同小吃，全部都系辣嘅小食，有一个辣味鱿鱼系朋友极力推介嘅，点知我哋食嘅时候觉得唔够人味同唔够辣，朋友都觉得今次食嘅味道同以前唔同，差左一大截！可能厨师心情唔好！另外一款马麻辣莲藕同麻辣猪肚丝就相当有水准！朋友到齐我哋开始食麻辣鸡煲，个麻辣汁好明显系用咗好多不同嘅配料炒制，又香又辣！鸡肉都好爽口嫩滑！叫咗一只鸡六个人食，食咗好耐都食唔晒，加汤打边炉，其他配料就一般水准！不过食麻辣鸡煲一定要加嘅红薯粉我哋都有叫到，的确系最夹嘅味道。呢度有多款啤酒选择，不过全部细支装，价钱都唔平！买单每人都要三百五！