Riso SEGRETO (已結業)

黎未黎过既领展商场谂住你食个晏行下啦，睇个名同张相以为系啲咩高级餐厅🙄，上到黎装修有啲落伍，估唔到一个设计新嘅商场有啲咁嘅餐厅。唔紧要嘅好食就得，咁你见到个餐牌午餐有10个左右，本身个Menu啲嘢都唔系贵五六十蚊一碟，但乜都唔包，餐汤前菜饮品全部要加钱。咁咪加个前菜芝士蒜蓉包，蒜蓉包薄薄地用包皮位整，真系成件都脆，好多芝士不过冇拉丝系好味嘅。拣咗个椰香忌廉海鲜意粉，几好味㖞估唔到椰香真香，𠮶个意粉太冧呢，海鲜都唔多似普通一包急冻食材咁。我叫咗个鱼柳蘑菇意大利饭，啲饭真系呢，煮𠮶阵有啲粘底，搞到啲饭一旧硬有一旧软咁好似睇彩数咁😑味就ok既，鱼都几厚肉但卖相就麻麻地啦。啲菇煮得太耐好林无左佢本身爽脆既口感。食评话佢个蜜桃茶好饮所以就叫左。系几好味，不过会唔会细杯咗啲，冻饮都系热饮玻璃杯咁细。其实呢个铺位可以做得好啲装修靓啲。嘢食都有进步嘅空间，味道本身系冇问题嘅，系样样食材质感差左啲。