好吃韓國料理

营业中

休息中

喺旺角唔知食咩好，就嚟咗呢一间好吃韩国料理，贪佢唔使排队，我觉得价钱都偏贵，上菜份量唔太大，一般嘅汤饭大概80左右，两人食嘅部队锅就170+1，每人大概$100，但系部队锅唔算大，刚好够饱，材料唔算丰富，即系最普通嘅餐肉、香肠、公仔面、豆腐、芽菜同埋少少牛肉，其实好多材料都好平，如果佢份量多点就好，佢跟个锅加埋一个饭先够饱，但系真系唔算特别多材料，汤底系香港人口味，甜多唔辣，唔需要特别饮嘢， 可以捞饭食，饭都几香口。配上嘅冬瓜汤就偏甜，唔太特别，小菜泡菜都系香港人口味，完全唔会觉得过咸过辣，芽菜几爽脆，如果部队锅可以再丰富啲，多啲猪肉就会更加好了！不过不失，可以接受，但未必再食～