影片
更多
2022-06-19
32 浏览
泰国野食in food court❓之前上网见到有人话呢间泰国野好食又环境唔错咁，一于try try，但同想像中都几大分别📛环境见人讲到food court黎讲好靓又卡位又灯牌又打卡点点点，一入到去其实都系好普通，净系觉得冷气唔太够，有d焗lol🧡串烧Combo （猪/牛/鸡各一串）$48呢个系好食既，烧出黎热辣辣，好香口，个汁都好香香料味，食得出有唔少花生粒系入面👍🏻🧡冬阴功金边粉 $55呢个味道就真系吓亲我，个冬阴功汤酸到唔知做乜咁，本身都系一个好钟意食酸野既人，但呢个真系完全接受唔到，仲要系除左酸味咩味都无，辣又无椰香又无，都唔知系酸菜汤定系冬阴功，食左一半都无就食唔到落去了😿但平心而论份量系多既，好大碗粉（但大碗唔好食咁都系无用㗎嘛系咪先），虾有3只，食得出系雪虾，但都尚算有鲜味的。🧡泰式炒金边粉 $75呢个之前系openrice见到有人话系萤光色，叫左朋友唔好试，但佢坚持要食😂上碟果然系萤光色既，但味道其实都正常，但炒到d粉痴住晒（见图二），唔够干身，有部份直头系一旧旧，唔建议。味道：2.5/10 （净系计串烧有7.5/10)性价比：4.5/10 (价钱其实唔系贵，但比完钱食
之前上网见到有人话呢间泰国野好食又环境唔错咁，一于try try，但同想像中都几大分别📛
环境见人讲到food court黎讲好靓又卡位又灯牌又打卡点点点，一入到去其实都系好普通，净系觉得冷气唔太够，有d焗lol
🧡串烧Combo （猪/牛/鸡各一串）$48
呢个系好食既，烧出黎热辣辣，好香口，个汁都好香香料味，食得出有唔少花生粒系入面👍🏻
🧡冬阴功金边粉 $55
呢个味道就真系吓亲我，个冬阴功汤酸到唔知做乜咁，本身都系一个好钟意食酸野既人，但呢个真系完全接受唔到，仲要系除左酸味咩味都无，辣又无椰香又无，都唔知系酸菜汤定系冬阴功，食左一半都无就食唔到落去了😿
但平心而论份量系多既，好大碗粉（但大碗唔好食咁都系无用㗎嘛系咪先），虾有3只，食得出系雪虾，但都尚算有鲜味的。
🧡泰式炒金边粉 $75
呢个之前系openrice见到有人话系萤光色，叫左朋友唔好试，但佢坚持要食😂
上碟果然系萤光色既，但味道其实都正常，但炒到d粉痴住晒（见图二），唔够干身，有部份直头系一旧旧，唔建议。
味道：2.5/10 （净系计串烧有7.5/10)
性价比：4.5/10 (价钱其实唔系贵，但比完钱食难食既野都系唔抵㗎嘛）
📍泰Grill
尖沙咀加连威老道46-48号恒隆银行大厦尖沙咀美食坊地下3号舖
📌人均消费: $50-100
张贴
