將軍麵館

营业中

休息中

收工老友话系新北江求其食，呢间将军面馆开左都一段时间又未试过，就建议黎试下啦，主打都系上海面，有汤面同拌面。环境黎讲系新北江既小店，格局就比较细同迫d，当日冷气可能唔系太够都比焗。睇下餐牌，都系主打米线同上海面，好似车仔面咁拣完1款𩠌想另加就加钱咁。猪软骨上海面先讲讲个汤都ok，唔会好咸，就咁饮都唔错，仲有d配料如炸酱果d都有，写左系餐牌度，猪软骨就正常水准，面方面就比较差，唔系手拉面只系现成货，口感就还好但可能雪过夹起好多时都断开，好在上海面都比较粗同烟韧无话太影响口感。酱牛展加左款小食，牛展上加左蒜泥同辣椒油，牛展都系正常水准，辣椒油唔会好辣，成份小食正常合格啦。支装白豆浆饮品方面都系得罐装汽水同豆浆可以拣，本身想饮黑豆浆话无所以拣返白豆浆，都系来货野，低糖豆浆唔会好甜豆味轻微，一般啦。总括黎讲食物水准就比较一般d无乜惊喜，价钱中规中矩，新北江黎讲会有更好既选择。