Isaak's

营业中

休息中

朋友约食饭，拣咗中间位佐敦，又系热门韩国菜。7点半去到，full晒要等位，10分钟左右就到我地。款式数量同其他店差唔多，所以叫返基本菜式。首先上菜【芝士紫菜包饭】，内饀都足料，味道不过不失。然后有【鸡蛋卷】，中间的芝士都算牵丝，蛋身比较扎实有口感。再黎有【年糕锅】，图中系2人份量，即食面另上，自己调校煮面的时间。依个实在太辣，平时食开小辣的我顶唔顺。店舖入面有水机自助斟水，我地加咗3杯水整淡d汤。整体份量都算多，年糕烟韧，鱼糕弹牙，唔错。最后仲有【半半炸鸡】，忙住食野唔记得影相。件数比出面的多三分一左右，但size较细。味道唔得，炸得太耐，好干身好鞋。炸鸡应该系韩国菜卖点，依间店整得唔ok，大失所望。总结，价钱同系tst食的差唔多，但质素低一半，无下次。