食代館 (MOKO新世紀廣場) (已結業)

去咗moko行街，见有啲肚饿，就去咗食代馆揾食，食过食代馆都知，佢系高档food court，入面啲嘢都唔算平😅呢间麻辣烫，display样样都好大个碗，而价钱都系60-80蚊左右，喺呢个food court嚟讲算普通价钱，现场见都几多人食呢间啲嘢，所以最后都决定拣呢间😁招牌麻辣烫（HK$68，包一碗面或饭）同display一样咁大碗，有大中小辣可以拣，我就拣咗小辣，试一试个辣度先🔥小辣食落唔太辣，有麻辣味，但唔太浓，不过唔食得辣嘅朋友可能会觉得有啲辣，而𩠌都几多下，有丸有虾有肉片仲有好多瓜菜，啲菜吸咗汁，辣辣地都几好送饭。下次食应该会拣大辣试下如果觉得唔够𩠌，系可以另外加𩠌或者加面饭，价钱10蚊左右。