影片
更多
2020-11-05
922 浏览
开始秋凉了，又到食煲仔饭嘅季节，而小弟事前做咗唔少功课，见呢间长期大排长龙，食评又不俗，仲要系黄店，就试吓佢啦！见网上有评论话可于当日下午5点致电book枱，但经验系电话一系长响一系唔通，大家可以再试吓舖头六点开始营业，我哋六点去到，已经要等36张枱了！果然人龙系名不虚传，最终等咗1小时45分钟先入座..而舖内座位唔多，大概得十数张枱获得黯然销魂掌+英雄帖 餐牌店内装修充满金庸小说特色，但对我就冇咩共鸣喇除咗招牌配搭，仲可以自选三𩠌，都系均一价钱$80，够晒弹性👍落单后大概15分钟就上饭，时间合理👆🏻腊味排骨煲仔饭腊味都几香口，一半系肥肉，至于排骨就同平时酒楼食嘅无乜分别见隔离枱对情侣想食饭焦又整唔到，呢方面我有经验，步骤好简单：1）喺饭嘅外围落豉油2）冚盖焗2-5分钟3）先食中间既饭，等煲既余温煎脆外围既饭4）最后先食外围既饭，用匙羹起饭焦就食得😋👆🏻北菇滑鸡饭菇同鸡都冇点腌过，味偏淡，好彩有葱油吊下味，才不叫不色我哋仲几不幸地获得鸡背一排，冇乜肉食饭粒粒分明，软硬适中，猪油独有嘅油香同饭香相辅相成，再加埋甜豉油色泽实在诱人👍通菜可选蒜蓉或者马拉盏唔
见网上有评论话可于当日下午5点致电book枱，但经验系电话一系长响一系唔通，大家可以再试吓
舖头六点开始营业，我哋六点去到，已经要等36张枱了！果然人龙系名不虚传，最终等咗1小时45分钟先入座..而舖内座位唔多，大概得十数张枱

获得黯然销魂掌+英雄帖 餐牌
店内装修充满金庸小说特色，但对我就冇咩共鸣喇
除咗招牌配搭，仲可以自选三𩠌，都系均一价钱$80，够晒弹性👍
落单后大概15分钟就上饭，时间合理

腊味排骨煲仔饭
$80
33 浏览
1 赞好
0 留言
👆🏻腊味排骨煲仔饭
腊味都几香口，一半系肥肉，至于排骨就同平时酒楼食嘅无乜分别

见隔离枱对情侣想食饭焦又整唔到，呢方面我有经验，步骤好简单：
1）喺饭嘅外围落豉油
2）冚盖焗2-5分钟
3）先食中间既饭，等煲既余温煎脆外围既饭
4）最后先食外围既饭，用匙羹起饭焦就食得😋

北菇滑鸡煲仔饭
$80
41 浏览
0 赞好
0 留言
👆🏻北菇滑鸡饭
菇同鸡都冇点腌过，味偏淡，好彩有葱油吊下味，才不叫不色
我哋仲几不幸地获得鸡背一排，冇乜肉食

饭粒粒分明，软硬适中，猪油独有嘅油香同饭香相辅相成，再加埋甜豉油色泽实在诱人👍

蒜蓉烧通菜
$45
41 浏览
0 赞好
0 留言
通菜可选蒜蓉或者马拉盏
唔算好油，有金银蒜，几有诚意
埋单加一后$245，个人认为唔太值，饭虽然做得出色，可惜𩠌一般。
呢度出名秘制猪油可以任落，从营养学角度动物油脂富含饱和脂肪，不利于心血管健康。⚠️
而英国BBC曾经报道过猪油系［十大健康食品］，指佢含有丰富维生素B，但食用油本来就唔系吸收B既重要来源。BBC又指猪油相比牛油更健康，但系我想讲未至于系［健康食品］既。🤷🏻♂️
点都好，要落控制份量啦（建议一餐不多于一茶匙）🤏
张贴
