影片
更多
2019-11-09
2061 浏览
由细住黄大仙住到大，自问都食匀成个黄大仙咁滞，但早前有人宣传呢间舖头之后先发现原来一直都无食过呢间真香港人小店，愧对美食呀。有一晚黎食，店内已经有好多人，老板话做唔切添，而且好多野都好早卖晒，食到无几耐未到关门时间已经要截人。试唔到出名嘅墨鱼须银针粉(熟客朋友称为墨须针)加紫菜，只好先试墨鱼须配鱼三味米粉加紫菜，不过厨房太忙嘅关系唔记得咗落紫菜，紫菜变咗另上，赚咗。讲返碗粉米粉唔会有间中系其他粉面舖有时食到嘅"行"味。而鱼三味即系鱼蛋，鱼片头，同鱼皮饺，鱼蛋爽口弹牙唔洗多讲，鱼片头嘅鱼肉松化，唔系重面粉嘅沾口下价货质素，而鱼皮饺有惊喜，唔系平时系街市买到嘅货色，真系食得出系有鱼味嘅皮黎，咬落系有鱼胶嘅质感。唔好唔记得呢度嘅重点墨鱼须，真心爽口，同埋够新鲜所以亦食得出墨鱼香味，唔系煮过头嘅橡胶可比。紫菜汤都系另外煮嘅，好在分开上咗，如果唔系就分唔出咩味道。整体好似好平凡普通嘅鱼蛋粉其实用料非常唔错，值得食。另一样呢度出名系辣椒酱，唔系平时啲潮洲粉面店咁放出黎任落嘅，佢地系俾个小碟，初初仲谂住咁孤寒嘅，但原来呢碟辣椒酱真系几辣，而且好香，俾个like，如果落太多就反盖过咗碗粉嘅好味。另一次
有一晚黎食，店内已经有好多人，老板话做唔切添，而且好多野都好早卖晒，食到无几耐未到关门时间已经要截人。
试唔到出名嘅墨鱼须银针粉(熟客朋友称为墨须针)加紫菜，只好先试墨鱼须配鱼三味米粉加紫菜，不过厨房太忙嘅关系唔记得咗落紫菜，紫菜变咗另上，赚咗。
鱼三味墨鱼须米粉
$33
67 浏览
0 赞好
0 留言
讲返碗粉
米粉唔会有间中系其他粉面舖有时食到嘅"行"味。
而鱼三味即系鱼蛋，鱼片头，同鱼皮饺，鱼蛋爽口弹牙唔洗多讲，鱼片头嘅鱼肉松化，唔系重面粉嘅沾口下价货质素，而鱼皮饺有惊喜，唔系平时系街市买到嘅货色，真系食得出系有鱼味嘅皮黎，咬落系有鱼胶嘅质感。
唔好唔记得呢度嘅重点墨鱼须，真心爽口，同埋够新鲜所以亦食得出墨鱼香味，唔系煮过头嘅橡胶可比。
紫菜汤都系另外煮嘅，好在分开上咗，如果唔系就分唔出咩味道。
整体好似好平凡普通嘅鱼蛋粉其实用料非常唔错，值得食。
另一样呢度出名系辣椒酱，唔系平时啲潮洲粉面店咁放出黎任落嘅，佢地系俾个小碟，初初仲谂住咁孤寒嘅，但原来呢碟辣椒酱真系几辣，而且好香，俾个like，如果落太多就反盖过咗碗粉嘅好味。
辣椒酱
28 浏览
0 赞好
0 留言
另一次晏昼黎终于食到墨须针，都系食鱼三味墨须针加紫菜，银针粉加葱同冬菜嘅味道就好似细个食嘅味道咁，虽然唔识粉银针粉点为之靓，不过个味道就肯定系旧香港嘅好味黎。
鱼三味墨鱼须银针粉加紫菜
$42
113 浏览
0 赞好
0 留言
仲要提一提嘅，朋友话佢地好多年都keep 住差唔多嘅价，29蚊食碗有质素嘅潮洲粉面都几抵，加到我咁多样野都只系42蚊，比起出面好多舖头己经算平。
张贴
