炑八韓烤 (黃大仙中心南館)

营业中

休息中

放咗工，屋企人约咗去黄大仙炑八食晚饭，地点几方便，黄大仙站搭地铁，一出闸，好快就到。由于订咗位，唔使等。座位都几宽敞； 椅子下边有摆放随身物品嘅空间。餐牌嘅选项都几多，散叫又得，亦都有套餐，大家决定唔好慢慢逐个拣，一于叫咗个四人份嘅贺岁韩牛套餐。首先嚟嘅系各式前菜，有大豆芽菜、泡菜 等等，系好传统嘅韩式用餐习惯。先嚟嘅系冷盘九节坂， 有冬菇丝、蟹子、牛肉、腌萝卜、青瓜丝、红萝卜丝、 蛋丝、菠菜， 食嘅方法有啲似北京填鸭，用食物盘中间嘅皮，包起自己想食嘅馅料，可以 tailor made自己嘅前菜包， 非常有趣。饺子年糕汤，顾名思义入边有齐饺子和年糕，饺子大只，馅料丰富，年糕嘅造型相当特别，迷你可爱， 一对对咁， 莫非系想新年好事成双？ 天气冻嘅日子，饮咗呢个汤即刻暖身。贺年海鲜煎葱饼煎得香口，但唔会好油腻，份量足够四个人分享，海鲜分布都叫平均，每一件都有一定数量。主角韩牛最终出场，牛形嘅木碟非常之震撼。 一共有 六款牛肉：韩牛肉眼粒、韩牛牛前胸、牛小排、牛舌、牛肩肉、牛五花同埋韩牛鸡蛋烧。韩牛鸡蛋烧加入蛋黄香味，令到牛肉特别滋味。 多款牛肉中，个人最喜爱牛舌，全因为牛舌是全牛中最多运动