粗菜館

营业中

休息中

住咗喺黄大仙几十年都系第一次嚟帮衬粗菜馆 平时搭车就成日见到今次就特登嚟食！本来见到呢个招牌好想叫炒猪杂 但系见到隔离枱嘅鹅肠好出色 所以我哋就要咗豉油王鹅肠！果然冇令我失望 比我想像中份量更多 味道更好 鹅肠冇异味 豉油好入味 加咗好多姜葱芫荽葱 食落去感觉爽口另外叫咗都系好出名嘅咸鱼酱蒸肉饼呢个𩠌可以话系卧虎藏龙 普通嘅肉饼加咗咸香味嘅咸鱼酱令到猪肉嘅肉味更加突出 又唔会太咸 送饭真系一流所以我哋都试吓佢个猪油捞饭猪油加埋豉油有啲甜甜地嘅感觉亦都唔会觉得好油腻最后仲叫咗呢个梅子蒸白鳝白鳝非常肥美份量都好多 啖啖肉梅子酱又酸又咸好开胃粗菜馆嘅食物质素非常好价钱合理难怪可以屹立喺九龙城几十年！下次会再约朋友黎食过！