影片
更多
2022-09-12
308 浏览
放假谂住同屋企人去九龙城食餐好，之前食过小曼谷，觉得都唔错，今次想试下新野，顺便帮衬黄店，换来满腔怒火！先讲餐厅环境，座位唔算宽敞，但去得九龙城食饭都预咗。表面睇算干净。但系食物真系10万个失望。首先黎个柚子沙律，味道偏淡，份量都少，勉强叫正正常常，点知原来已经系全晚最好食嘅菜式！冬阴功：份量极少，冇炉一齐上而且唔热，唔酸唔辣再黎一个粉丝蚬肉汤（唔记得咩名）连埋炉上，但完全冇味，蚬肉完全冇鲜味，肉质粗鞋，食咗一半已经唔想食椰汁海鲜焗饭：饭上面一督鼻涕汁，最神奇系竟然入口咬都分唔开啲汁，好似食紧一旧生粉咁！最严重系咖喱软壳蟹，份量都系超级少，蒜蓉包一啲都唔脆，冇蒜蓉味， 软壳蟹亦一啲鲜味都冇，全部似系雪藏货，个咖喱汁除咗核突、难食都谂唔到其他形容词，是但一间任食嘅软壳蟹都好食过佢，竟然卖$220？！😡老实讲，对黄店本身会多一份包容，舖头的确见到好多文宣，讲声多谢先，但系好食系良知，逼人75分钟食完都唔紧要，真系手足嘅话，唔该落少啲味精，我全家人返到屋企系咁饮水，嬲嬲地都忍唔住要写第一篇食评！麻烦手足尽快改善！
先讲餐厅环境，座位唔算宽敞，但去得九龙城食饭都预咗。表面睇算干净。但系食物真系10万个失望。
首先黎个柚子沙律，味道偏淡，份量都少，勉强叫正正常常，点知原来已经系全晚最好食嘅菜式！
冬阴功：份量极少，冇炉一齐上而且唔热，唔酸唔辣
再黎一个粉丝蚬肉汤（唔记得咩名）连埋炉上，但完全冇味，蚬肉完全冇鲜味，肉质粗鞋，食咗一半已经唔想食
椰汁海鲜焗饭：饭上面一督鼻涕汁，最神奇系竟然入口咬都分唔开啲汁，好似食紧一旧生粉咁！
最严重系咖喱软壳蟹，份量都系超级少，蒜蓉包一啲都唔脆，冇蒜蓉味， 软壳蟹亦一啲鲜味都冇，全部似系雪藏货，个咖喱汁除咗核突、难食都谂唔到其他形容词，是但一间任食嘅软壳蟹都好食过佢，竟然卖$220？！😡
老实讲，对黄店本身会多一份包容，舖头的确见到好多文宣，讲声多谢先，但系好食系良知，逼人75分钟食完都唔紧要，真系手足嘅话，唔该落少啲味精，我全家人返到屋企系咁饮水，嬲嬲地都忍唔住要写第一篇食评！麻烦手足尽快改善！
张贴