榮少喇沙 (已結業)

今日本身谂住同fd试吓牛摩优惠下午茶，点知迟咗到截晒龙冇得食，又好饿要揾其他嘢食，点知开openrice睇有间荣少喇沙，之前一直已经想试，可惜喺天水围又系得外卖就自然冇得试啦，今次分店开喺屯市，又有堂食，梗系要试吓啦!入去一睇，装修其实都算简洁，一边墙身摆咗幅画，另一边就系白色一幅墙，有啲寄卖贺年糕点嘅poster咁，近门口𠮶边系落地窗，有张bar枱喺𠮶度，不过其实喺3点几𠮶阵喺𠮶度坐已经觉得好热，希望佢哋迟啲加返块窗帘啦🥺 不过大懵嘅I先生就唔记得影返啲环境嘅相俾大家睇啦🙈🙈谂住嗌啲嘢食，但系Menu度其实嘢食唔多，大致都系分咗面/饭/小食/饮品4类，每类大致都系有几款咁，最后我同fd都嗌咗个珍宝杂锦喇沙，要油面沟米粉，另外再加个越式米网春卷同要杯柠檬薏米水。话说回头，帮我哋落单嘅应该系老板，唔好见佢纹身又食烟咁，其实好豪爽亲切㗎!等咗几分钟左右，啲嘢食到啦，完全唔耐，倾阵计就到，试咗个喇沙嘅汤底先，唔算好辣，就算唔食得辣嘅都食到，好重椰奶味，正! 食吓个面，啲米粉同油面捞埋一齐，两重层次咁样，好食! 个猪软骨就够淋够入味，都好好食! 个薏米水唔甜，笃吓块柠檬酸酸哋咁，啲薏米大大粒好