水見地瓜球 (已結業)

有日系黄金揾野行下街，3-4点又未到晚饭时间，但又口痕，就系附近揾间小食店食下，见到间地瓜球又想食下d甜又烟韧野，二话不说就order左包细既黎试下佢！22蚊9粒，唔算话好平，但叫做合理！店内只系一个人即整即炸，等既时间有少少耐，不过都系完全可以接受！地瓜球系椭圆形而唔系正常圆形，几特别，食落好烟韧，唔太甜岩口味，仲好重蕃薯香味！系门面仲有唔同既调味粉比人shake，不过调味粉都系咸味/辣味多，想食甜野既我就唔岩用了！