影片
更多
2021-07-13
3465 浏览
向来都好钟意食泰国野，随左系返工个头不断揾，随左系返工个头不断揾泰国餐厅，仲有试过香港既泰国九龙城既泰国菜，今次反而系唔多泰国菜既铜锣湾揾到。今次呢间餐厅Siam 28，见到个名已经好亲切，即刻谂起曼谷既暹罗广场，令人好挂住泰国，。今次喺铜锣湾食嘢，苦恼紧食咩𠮶时，喺泰国菜同日本菜中间拣咗呢一间，铜锣湾成日食日本嘢，第一次试泰国嘢，尤其系呢一座澳门逸园中心，入面九成都系日本餐厅，呢间Siam 28系唯一一间泰国菜，28意思就系佢系28楼，食得太多日本野既人，开胃既泰国菜系呢一刻好吸引。当日系星期六夜晚八点几上去，但发觉人唔算好多，可能坐唔够一半，唔知平时午市晚市系咪都系咁小人。餐厅装潢时尚，一出lift门映入眼帘既系色彩缤纷既瓦砖墙身，再加上一个灯箱招牌，非常夺目。餐厅内以绿白色为主调，地下用上彩色阶砖，入面设计较清新，最引人注目既系边边既落地玻璃窗，可以包揽铜锣湾繁华既街景 地方唔算大，大约有十张四至六人位，但座位宽敞舒适，枱同枱之间距离适中，夜晚入面既位会暗啲，窗边位灯光较光，几有气氛。餐厅既菜式好多样化，睇过MENU，曼谷菜同泰北菜既选择都系琳瑯满目，而且有大大张菜式相片，菜式上
今次喺铜锣湾食嘢，苦恼紧食咩𠮶时，喺泰国菜同日本菜中间拣咗呢一间，铜锣湾成日食日本嘢，第一次试泰国嘢，尤其系呢一座澳门逸园中心，入面九成都系日本餐厅，呢间Siam 28系唯一一间泰国菜，28意思就系佢系28楼，食得太多日本野既人，开胃既泰国菜系呢一刻好吸引。
当日系星期六夜晚八点几上去，但发觉人唔算好多，可能坐唔够一半，唔知平时午市晚市系咪都系咁小人。
餐厅装潢时尚，一出lift门映入眼帘既系色彩缤纷既瓦砖墙身，再加上一个灯箱招牌，非常夺目。餐厅内以绿白色为主调，地下用上彩色阶砖，入面设计较清新，最引人注目既系边边既落地玻璃窗，可以包揽铜锣湾繁华既街景 地方唔算大，大约有十张四至六人位，但座位宽敞舒适，枱同枱之间距离适中，夜晚入面既位会暗啲，窗边位灯光较光，几有气氛。
餐厅既菜式好多样化，睇过MENU，曼谷菜同泰北菜既选择都系琳瑯满目，而且有大大张菜式相片，菜式上有泰小碟、汤类、海鲜、咖喱、肉类、蔬菜、粉面饭、火锅、甜品同饮品。
虽然我系黎食晚餐，不过见到佢个午市套餐非常抵食，就算公众假期都有同一个Lunch Menu，可以一次过试哂啲热门菜色，午市套餐包汤品、主菜同饮品，另外可以加$20加配两款小碟既泰式小食，加钱仲可以试到佢既煎芒果糯米饭，主菜价钱由62到98，加埋小食甜品都系100多啲，抵食又丰富。
-
1️⃣ 冬荫公 💰109（👅: 8.5/10）
冬荫公
$109
37 浏览
1 赞好
0 留言
上枱时会用铁煲上，之后会点着小烛台去保温，虽然个样睇落好细煲，但其实可以到五、六碗，上枱后店员会细心帮手分碗。
冬阴功主要用香茅、南姜、红辣椒去提味，闻落好香，睇落鲜橙色，饮落酸辣，酸味会比较重，辣就唔算好辣，而且饮落椰奶味比较重，比较适合香港人嘅口味，有少少甜同奶味，几开胃惹味，无太多辣油，所以饮落唔算太呛喉，唔油腻，非常过瘾，会一啖接一啖。
配料有唔小草菇、蕃茄仔、香茅同大虾，绝对足料，唔系剩系得汤，如果辣度再多啲会更好。
-
2️⃣ 炒鲜虾金边粉 💰122（👅: 8/10）
炒鲜虾金边粉
$122
43 浏览
1 赞好
0 留言
金边粉外观上系用一个格仔蛋网包住，卖相非常吸引，不过略嫌佢既蛋香味未够突出。
金边粉食落软糯香甜，蕃茄味几突出，已经沾满左喺每一条粉上面，酸酸甜甜好惹味，带小小辣味，质地比较湿润，唔会太干身，有小小镬气，加上芽菜、花生、辣粉同青柠汁，食落开胃。
配料有三只虾，已经去壳，大小正常，食落新鲜，咬落爽口弹牙，呢个价钱黎讲唔算平既金边粉。
-
3️⃣ 芒果煎糯米饭 💰89（👅: 8.5/10）
芒果煎糯米饭
$89
32 浏览
1 赞好
0 留言
呢个芒果煎糯米饭唔多唔小系吸引我黎既原因，同平时既芒果糯米饭唔同，佢系将糯米饭整成压成一块块饼状再煎香，加蛋煎到金黄色，再提供炼奶比你淋上去。
糯米饭外层煎过黎，面层金黄色，所以会有米香，咬落微脆，入面系烟韧软糯，食落会有啲似煎年糕，几香口，暖暖地带小小温度，比一般糯米饭无咁腻，点椰浆食，椰浆够香，味道非常之夹，如果可以再煎脆啲会更好。
而芒果虽然唔系当造，不过食落唔酸，几鲜甜。
-
🌟味道上我觉得系合格以上嘅泰国菜，冬荫公至少好饮过唔少餐厅，辣味酸味并存，价钱算中价，而且胜在环境好好，如果坐窗边位可以望住铜锣湾嘅城市景食饭，夜晚都几有气氛。
店员服务满意，有礼貌，入到餐厅会主动提供密实胶袋用黎装口罩，见到食客饮完水会即刻过黎斟，会留意用餐进度，唔会一次过将所有菜上哂，唔会赶时间叫你走，走个时会主动提供酒精搓手液。特别一提呢一间系良心小店，当晚当晚可能系敏感日子，铜锣湾有好多警察，见到店员个电话有睇紧直播，临走𠮶时仲俾咗张单俾我，话俾人问到都有单解释点解系附近，服务真系非常细心，而且系黄到金，绝对值得我帮衬第二次。
-
👅味道: 8/10
🍴环境: 7.5/10
💰消费: $160pp (服务费: 10%)
张贴
